Күні кеше елордада «Жеңімпаз рухы» ұлттық спорт сыйлығын тапсыру рәсімі өтті.

Қазақстан Республикасы Мәдениет және спорт министрлігі үздік спорт қайраткерлерін 14 номинация бойынша марапаттады.

«Жылдың үздік спортшысы» – Жәмила Бақбергенова (жазғы спорт түрлерінен) мен Александр Герлиц (қысқы спорт түрлерінен);

«Жылдың үздік жаттықтырушысы» – Нұрсұлтан Теміров (жазғы) пен Антон Жданович (қысқы);

«Жылдың үздік аккредиттелген спорт федерациясы» – Ұлттық коньки тебушілер федерациясы

«Жылдың үздік спорт мекемесі» – Атырау облысы «Мүгедектердің спорт ұйымы»;

«Жылдың үздік спорт өңірі» – Қарағанды облысының Дене шынықтыру және спорт басқармасы;

«Ауылдағы үздік жаттықтырушысы» – Дастан Канатбекұлы Балабеков (Жетісу облысы);

«Дене шынықтыру және спорт бөлімінің үздік маманы» – Ирина Новикова мен Елена Галиц (Астана);

«Жылдың үздік балалар жаттықтырушысы» – Самат Сапишев (Шымкент);

«Ойын түрлері бойынша үздік спорт командасы» – «Қуаныш» волейбол клубы (СҚО);

«Ауылдағы үздік дене шынықтыру және спорт бөлімінің әдіскері» –Бекжан Адамбеков (Түркістан облысы);

«Жыл жаңалығы – үздік спортшы» – Елена Рыбакина;

«Жылдың үздік меценаты» – Қайырбек Сәдуақасұлы Хамзин (СҚО);

«Жастар мен жасөспірімдер арасындағы үздік спортшы» – Алан Құрманғалиев (үстел теннисі), Евгений Федоров (велоспорт), Мария Бровкова (каноэде ескек есу);

«Сейдахмет Бердіқұлов атындағы үздік спорт журналисі»  номинациясы – Аслан Қаженов (Үздік телевизиялық репортаж), Ғалым Сүлеймен (Үздік фоторепортаж), Бек Төлеуов (Үздік жарияланым)

 

Ұйымдастырушылар балалар жаттықтырушыларына, әдіскерлер мен меценаттардың жұмысына, сондай-ақ ауыл спортына және БАҚ өкілдеріне ерекше назар аударды. Үздік спортшыларды, жаттықтырушылар мен спорт ұйымдарын марапаттаумен қатар, сахнада отандық эстраданың танымал әртістері өнер көрсетті.

Биылғы жылы іс-шара алғаш рет өткізіліп, Sport Qory қолдауына ие болды. Елордада «Жеңімпаз рухы» сыйлығы алдағы уақытта дәстүрге айналады деп жоспарлануда.