Семсерлесуден Қазақстан ерлер құрамасы Қытайдың Уси қаласында өтіп жатқан Азия чемпионатында күміс жүлдені иеленді. Отандық спортшылар финалда Жапонияға есе жіберді.

Руслан Курбанов, Эльмир Əлімжанов, Вадим Шарлаимов пен Ерлік Сертай төрттігі 1/7 айналымда Филиппиннен басым түссе (45:37), артынша Өзбекстан спортшыларын ұтты (45:40). Ал жартылай финалда құрылықтағы көшбасшының бірі Оңтүстік Кореяны жеңді (42:36).

Айта кетейік, аталмыш додада Париж Олимпиадасына қатысуға мүмкіндік беретін рейтинг ұпайлары үшін 20 елдің 400-ге тарта спортшысы өзара сынға түсіп жатыр.