«Астана» кәсіби баскетбол клубында кадрлық өзгерістер орын алды. 2011 жылдан бастап бас директор қызметін атқарған Валерий Тихоненко қызметінен кетті. Оның орнына Самсон Аракелян тағайындалды. Самсон Аракелян, 1978 жылы 28 наурызда Ақтау қаласында дүниеге келген. Маңғыстау облысы баскетбол федерациясының президенті, FIBA халықаралық баскетбол федерациясының Техникалық Делегаты. Самсон осыған дейін «Каспий» Ақтау баскетбол клубын басқарған болатын.