Өткен апта отандық спортшыларымыз үшін жемісті болды: 

Қазақстан құрамасы стенд атудан Азия Кубогында жеңіске жетіп, 6 алтын, 3 күміс және 5 қола

медальға ие болса, Ханчжоу қаласында WKF каратэден Азия чемпионатында каратэшілеріміз 2 алтын, 2 күміс, 1 қола жеңіп алды.

Ал Орал қаласында өткен Жамбы атудан жастар арасындағы ҚР чемпионатында «Азия» стилінде Қызылордалық Пернебай Ақәділ алтын жүлдені, Түркістандық Үсен Ақберен күмісті, Маңғыстаулық Өсербай Марлен қола жүлдені еншіледі.

30 қыркүйек пен 4 қазан аралығында Шымкентте Кеңес Одағының батыры Қарақозы Әбдалиевті еске алуға арналған ерлер арасында халықаралық турнирі басталды.

Қостанай қаласына Sport Qory қолдауымен Ахмет Байтұрсынұлын еске алуға арналған қазақ күресінен республикалық турнир өтті.