Қазақстандық дзюдошы Ақмарал Науатбек Парижде өткен Паралимпиада ойындарында алтын медаль жеңіп алды.

 Науатбек 48 килограмға дейінгі салмақ дәрежесінде (J2 категориясы) финалда жеңіске жетті. Финалдық бәсекеде Ақмарал жергілікті Франция өкілі Сандрин Мартинемен кездесіп, «иппон» ұпай санымен жеңіске жетті.

Атап өтсек, Ақмарал Қазақстан тарихындағы паралимпиададан әйелдер арасында тұңғыш әлем және паралимпиада ойындарының жеңімпазы атанды.