Жоба 

1. Жасөспірімдер U-20 арасында грек-рим күресінен Жақсылық Үшкемпіровке арналған халықаралық турнир өткізу
2. 2024 жылы күрес түрлері бойынша ҚР ҰҚК-ның тиімді жаттығу және жарыс процестерін қамтамасыз ету
3. Қолдау 

Спорттық іс-шараларды өткізу, ҚР шегінен тыс жарыстарға қатысу, спорттық құрал-жабдық сатып алу, спортшылар мен жаттықтырушылардың еңбегіне ақы төлеу, басқару аппаратын ұстауға, үздіксіз спорттық процесті ұйымдастыру бөлігінде қолдау көрсетілді.

Грек-рим, еркін және әйелдер күресі федерациясы 2024 жылы Sport Qory қолдауымен Жақсылық Үшкемпіровты еске алуға арналған жасөспірімдер (U-20) арасында грек-рим күресінен Халықаралық турнир ұйымдастырды. Байрақты бәсекеде әлемнің ең үздік бозкілем шеберлері 10 салмақ дәрежесінде сынға түсті. Жарыс қорытындысы бойынша Қазақстан 2 алтын медальмен үздік үштікті түйіндеді. Қазақстан Республикасында спорттық күресті дамыту және насихаттау мақсатында 2024 жылы үш күрес стилі бойынша 3 республикалық чемпионат және 1 Қазақстан Республикасының Кубогы өтті. Жалпы алғанда, күрестің үш стилі бойынша және барлық жастағы Қазақстан құрамасы 2024 жылы 110 медаль жеңіп алды. Париж 2024 жазғы Олимпиада ойындарында грек-рим күресінен Демеу Жадраев күміс медаль иеленсе, еркін күрес шебері Нұрғожа Қайпанов Тиранада (Албания) өткен Әлем чемпионатында алтыннан алқа тақты. Сондай-ақ, еркін күрестен Ризабек Айтмұхан U20, U23 санатында өткен екі Әлем чемпионатында алтын жүлдені иеленді. 

Сайт: wrestling.kz

Instagram: @kazwrestling_official