Парижде 2024 жылғы жазғы Паралимпиада ойындарының ашылу салтанаты өтті.

Паралимпиада ойындарының ашылу салтанаты Париждың Champs-Élysées бульвары мен Place de la Concorde алаңында орын алды. Ашылу салтанатында Қазақстан атынан Франция төрінде туымызды волейболды отырып ойнау спортынан ұлттық құрама мүшесі Берік Ізмағанбетов пен пара оқ атудан Севда Алиева алып шықты.

 Айта кетсек, 28 тамыз бен 8 қыркүйек аралығында Парижде өтетін XVII Паралимпиада ойындарына Қазақстан ұлттық құрамасы спорттың 9 түрінен, атап айтқанда, пара жүзу, пара пауэрлифтинг, пара жеңіл атлетика, пара каноэ, пара тхэквондо, отырып ойнайтын волейбол, пара оқ ату, пара үстел теннисі және пара дзюдодан 33 лицензия жеңіп алды.

Sport Qory осы орайда спортшыларымызға тек сәттілік тілеп, жеңіспен оралуларын тілейді!