Туризм, спорт және белсенді өмір салтын насихаттайтын Qazaqstan Live Fest 2022 халықаралық көрмесі аяқталды. SportQory аталмыш көрме аясында түрлі спорттық жарыстар ұйымдастырып, демеушілермен қарым-қатынас орнатты. Еліміздегі спортты қаржыландыру, спорт саласындағы демушілік мәселесі бойынша бірқатар келіссөздер жүргізіп, Спортты қолдау қорынан қаржылық-демеушілік қолдау алу барысын әлеуетті көмек алушыларға түсіндірді. 

3 күнге созылған көрме аясында конференциялар, дөңгелек үстелдер, панельдік пікірталастар, мазмұнды іскерлік кездесулер орын алды.

Нәтижесінде, SportQory ұйымдастырушылар тарапынан «Спорт саласының көшбасшысы» номинациясы бойынша үздік атанды. 

Сондай-ақ, көрме аясында Спортты қолдау қорынан бөлек, «Барыс» хоккей клубы, «Астана» кәсіби баскетбол клубы және «Астана» футбол клубы да келушілерге түрлі спорттық сайыстар ұйымдастырып, жеңімпаздарды арнайы сыйлықтармен марапаттады.