Семсерлесуден Қазақстан ерлер командасы Ванкуверде (Канада) өткен Әлем Кубогы кезеңінде қола медаль жеңіп алды

Марапатқа жету жолында қазақстандық спортшылар Гонконг, Италия құрамаларына қарсы кездесулерде жеңіске жетті. Жартылай финалда отандық құрама Жапонияға жол берді. Үшінші орын үшін таласта жерлестеріміз Франциядан басым түсті. Венгрия құрамасы финалда Жапонияны қапы қалдырып, алтын жүлдені иеленді.

Айта кетейік, аталмыш додада ел намысын Руслан Құрбанов, Эльмир Әлімжанов, Вадим Шарлаимов және Ерлік Сертай қорғады.