Кәсіби клубтар Нұр-Сұлтан қаласының тұрғындары мен қонақтарын Mereke Street фестивалі аясында Астана күнімен құттықтады.

4-6 шілде аралығында Орталық мәдениет және демалыс саябағында «Барыс» клубының хоккейшілері, «Астана» футбол клубының ойыншылары мен «Астана» баскетболшылары автограф-сессия өткізіп, жас жанкүйерлермен әңгімелесіп, естелік сыйлықтар тарту етті. Сонымен қатар, баскетбол жанкүйерлері арнайы жабдықталған алаңда кәсіби спортшылармен ойнауға мүмкіндік алды.