«Астана» ФК

«Астана» OlimBET футболдан Қазақстан чемпионатының 11-ші туры аясында алматылық «Қайратты» қабылдап, 6:0 есебімен тас-талқан етті. Ойында Марин Томасов хет-трик авторы атанса, Педро Эужениу дубль жасап, тағы бір голды Рай Влут өз еншісіне жазды. Бұл нәтиже «ел-классикосы» тарихындағы елорда командасының ең ірі жеңісі ретінде тіркелді. Сондай-ақ, аталмыш кездесуді «Астана Арена» стадионынан 12500 көрермен тамашалады. Ал бұл барлық ҚПЛ командалары арасындағы осы маусымның ең үздік рекордтық көрсеткіші.

Astana Qazaqstan Team

Маусымның алғашқы гранд-туры «Джиро д' Италия» көпкүндігі жалғасуда. Жексенбі күні өте қиын саналатын 9-шы кезең аяқталды. Шабандоздар 5 категориялық көтерілістен тұратын 191 шақырымды жүріп өтті. Astana Qazaqstan Team командасы өте белсенді күн өткізді: команда капитаны Винченцо Нибали жарыстың фавориттері тобында мәреге дейін келіп, кезең қорытындысы бойынша жоғары 8-ші орынға ие болды. Джей Хиндли жеңімпаз атанған тоғызыншы кезеңнен кейін Винченцо Нибали жалпы есепте 13-ші орынға көтеріліп, жарыс көшбасшысы Хуан Педро Лопеске 3 минут 4 секунд қалып келеді. 

 «Барыс» ХК

«Барыс» хоккей клубында маусымаралық үзіліс кезеңі жалғасып жатыр. Дегенмен, команданың бірқатар ойыншылары Финляндиядағы әлем чемпионатында ұлттық құрама намысын қорғауда. Өкінішке қарай, Қазақстан ұлттық құрамасы Дания (9:1) және Франция (2:1) құрамаларына қарсы екі кездесуде де жеңіліп қалды. Еліміздің басты құрамасы ертең, яғни 17 мамыр күні Швейцария құрамасымен кездеседі.